14. You who was and wasn't mine

WITH    LOVE

When
only loneliness
stays
with the heart
I shed a tear
remembering  "you"
who 
was and wasn't 
mine

11. සිහිනයක් පමණි මම

සද තරුත් නිදනා

නිහඩ මැදියම

සිහිනයක් වී 

ඔබ වෙතට එමි...

ඔබේ නළලත 

සෙමෙන් පිරිමැද

නිදන ඔබ නෙත්

මුදුව සිපගමි..

හිරු නැගෙන
හෝරාව වනතුරු
ඔබේ සිහිනෙක
ඔබ ළගම ඉමි...

අවදිවන ඔබ

නෙත ගැටෙන්නට

මිහිරි කවියක්

ළග තබා යමි...

6. මතක මාවත දිගේ යළි ඇවිද යමි..........

මතක පොතේ පිටු නැවත පෙරළමි....................

පළමු පිටුව

පළමු කවිය........................................

බටිති කුරුල්ලෙක්
මල් නටුවක් මත
තටු සලමින්
හිනැහෙයි......

නුපුරුදු   සුවදක්
සුපුරුදු  විලසින්
සිත් මල වට
දැවටෙයි.............



දෙවන පිටුව.............

ඔබේ උර මත
හිස හොවා
එකම මොහොතක්
හිදින්නට
ආසයි.....

ඔබේ ලය මත

කන තබා
හද ගැහෙන හඩ
අසන්නට
ආසයි........

ඔබේ අතැගිලි
මුදුව අල්ලා
දුර ඈතක
ඇවිදයන්නට
ආසයි......

එකම මොහොතක්
නෙත් පියා
ඔබ මගේ 
සිතන්නට
ආසයි......


මතක පොතේ ලියා තිබුණ  අවසන් කව...

මතක පමණක්
ඉතිරිකර
මගෙ
හිත ළගින්...

ඇයිද ඔබ
යන්නගියෙ
නොකියාම
ඒ ලෙසින්.....

අවසාන
තත්පරය
ගෙවෙනතෙක්
ජීවිතෙන්....

හදේ ගැඹුරුම
තැනක සගවා
මතක සුරකිමි
සෙනෙහසින්.....